(କବିସୂର୍ଯ୍ୟ— ରାଗ ସାରଙ୍ଗ, ତାଳ ଏକତାଳି)
ମୋହନା ମୋ ଅଙ୍କକୁ ଆସରେ । ଘୋଷା ।
ଦୁଃଖନଦ ଭେଳା । ଶୁଚିସ୍ମିତ ଖେଳା ।
ମଧୁରାରୁଣ ରଦବାସରେ । ୧ ।
ନୟନରୁ ବାରି । ପ୍ରସରି ନିବାରି ।
ଭିଡ଼ିଦେ ହରେ ଭୁଜ ଫାଶରେ । ୨ ।
ଖଳ ଜନ ବାଣୀ । ହୃଦୟକୁ ହାଣି ।
ରୁଷନା ଧନ ନିଜ ଦାସରେ । ୩ ।
ତୋ ମଣି କଠାଉ । ବହି ଦିନ ଯାଉ ।
ନ ଛାଡ଼ୁ ମୋର ଏ ମୁହାଁସ ରେ । ୪ ।
ଗିରକର ଆହା । ସରିଲିଟି ଚାହାଁ ।
ମଦନାନନ୍ଦନିଳ ଝାସରେ । ୫ ।
ଚୁମ୍ବନ ବିଧାନେ । ମଧୁ ରସ ଦାନେ ।
ହର ମୋ ମରମ ପରାଶ ରେ । ୬ ।
ବସୁଦୁର୍ଗ ରାଜା । ସୁଖେ କର ତାଜା ।
ରସିଯା ତଳପ ବିଳାସରେ । ୭ ।