(ଗୋପାଳକୃଷ୍ଣ— ରାଗ ବିହାଗ, ତାଳ ଏକତାଳି)
ମୁଁ ଛାଡ଼ିଦେନ୍ତି କି ଦିଶା ଦେଲେ । ଘୋଷା ।
ପୁର ପଦ୍ଧତିରେ ଶ୍ରୀ ଚରଣାବ୍ଜରେ
ମୁଁ ନ ଲୋଟନ୍ତି କି । ୧ ।
ପଦାବ୍ଜର ଧୂଳି ଅଙ୍ଗେ ହୋଇ ବୋଳି
ମୁଁ ନ ଗଡ଼ନ୍ତି କି । ୨ ।
ଆନନ୍ଦରେ ପ୍ରେମ ପୀୟୂଷ ସିନ୍ଧୁରେ
ମୁଁ ନ ମଜ୍ଜନ୍ତି କି । ୩ ।
ମୋର ଦଶା ଡୋଳେ ବିଲୋକି ବିକଳେ
ତୋଳନ୍ତେ ନାହିଁ କି । ୪ ।
ହୋଇଲାର ଯୋଗ ଶ୍ରୀ କୃଷ୍ଣାଙ୍ଗରାଗ
ମୁଁ ନ ଲଭନ୍ତି କି । ୫ ।
ପ୍ରତୀକରେ ଜୀବ ପ୍ରବେଶ ଉତ୍ସବ
ଘଟନ୍ତା ନାହିଁ କି । ୬ ।
ଗୋପାଳକୃଷ୍ଣର କୋଟି ଜନ୍ମାନ୍ତର
ଦୁଃଖ ରହନ୍ତା କି । ୭ ।