(କବିଚନ୍ଦ୍ର କାଳୀଚରଣ— ରାଗ ମୁଖାରୀ, ତାଳ ଏକତାଳି)
ସାଜ ସଜ ସରୋଜ ଶିରୀମୁଖୀକି
ଲାଜ ଲାଜ ଆଉ କି ସାଜେ ସଖୀ । ଘୋଷା ।
ତମାଳ ତଳେ ପରା ଝୁରେ ମୁରଲୀଧରା
ଧୀରା ତୋ ପଥ ସାରା ରହେ ଟାକି ।
(ପଡ଼ି)
କୁହୁକୁ କୁହୁ ବୋଲି କୋଇଲି ଗାଏ
କୁଞ୍ଜବନ ବାସ ଫୁଲ ବିଛାଏ
ଗଗନେ ରସି ଶଶୀ ଗଲାନି ପରଶି
ବରଜ ମଲ୍ଲୀ । ନାଚିଲା ଫୁଲି । ଛବି ନିରେଖି । ୧ ।
ସରସ ଗଜଗତି । ଆରେ ସୁରସବତୀ ।
ମନ ମୋହନା ଗତି ତୁହି ସିନା ।
(ପଡ଼ି)
କଞ୍ଜ ପଦତଳେ ଅଳତା ରଞ୍ଜ
ମାଧବୀ ବନେ ଢଳି ଆସିଲା ସଞ୍ଜ
ମଧୁ ମୁରଲୀ ଧନୀ ତୋ ନାମ ଫୁକାରି
କାନନ ଭରି । ଶୁଣରେ ଗୋରୀ । ଥକିଲା ଡାକି । ୨ ।
ଉଛୁର କରନାରେ । କେତକୀ ବରନାରେ ।
ଅନା ଥରେ ଅନା ରେ ମେଲି ଆଖି ।
(ପଡ଼ି)
ବନ୍ଦେ କବିଶଶୀ ଚରଣ ଧ୍ୟାୟି
ମୋହନ ଗତି ଧନୀ ତୋ ବିନୁ ନାହିଁ
ମାନ ବରଜି ଚଳ ସରାଗ ସରଜି
ମଦନ ଛାର । ପରାଣ ତାର । ଦେବଟି ବିକି । ୩ ।