(କବିଚନ୍ଦ୍ର କାଳୀଚରଣ— ରାଗ ନାଗଧ୍ୱନି, ତାଳ ଏକତାଳି)
ସୁନା ବରନା ଯତି ମତି ମୋହନା
ସୁମନା ରୁଷନା ମାନ ମନା । ଘୋଷା ।
(ଧନୀ) ବରଜ ସାରା ବାଜେ ନାଗରା
ଧୀରା ନାଗରୀ ହୀରା ମୋହନ ଶିରଝରା
ମାନେ ବସନା
(ପଡ଼ି)
ଗୋରୀ ତୋରେ ଝୁରି ମୋହନ ଶିରୀ ହାରି
ସୁମନ ବାସି ସରି ଗଲାଣି ଝାଉଁଳି
ନାହିଁ ନାହିଁ କରନା ନବୀନା । ୧ ।
ଅନାରେ ସହି ଚନ୍ଦ୍ରମା ମୁହୀଁ କରେ ମୁରଲୀ ନାହିଁ
ଗାଇ ତୋ ଗୁଣ ବାଇ ଛଇଳ କାହ୍ନା
(ପଡ଼ି)
ରାଧା ରୁଷିଛି ମାନେ ବସିଛି
ଭଗାରୀ କରେ ଛି ଛି
କବିଶଶୀ ଭଣୁଛି ଜନେ ହସାନା । ୨ ।