(କବିସୂର୍ଯ୍ୟ— ରାଗ ଗୌଡ଼ା, ତାଳ ତ୍ରିପଟା)
Ḍha Patala — Kisorachandrananda Champu
ଢ ପଟଳ — କିଶୋରଚନ୍ଦ୍ରାନନ୍ଦ ଚମ୍ପୂ
ଢାଳେ ତ ଢାଳିଲୁ ନାହିଁ କୃପାସୁଧା ଝରିକି ରେ । ଘୋଷା ।
ଢକ୍କା ବାଜୁଥାଇ ବ୍ରଜେ ଲଳିତାର ହୃଦମ୍ବୁଜେ
କରୁଣା ଅଛି ବୋଲି ଯା ନେଲା କେ ତା ହରି କି ରେ । ୧ ।
ଢୁଳାଇଲା ପରି ଢଳି ତଳେ ପଡ଼ିଯିବା ଭଳି
ହେଲିନି ଯେ କୁନ୍ଦକଳିଦଶନା ଏ ସରିକି ରେ । ୨ ।
ଢୁକାଇ ଦେଲେ ତୃଷିତ ଚକୋର ଚଞ୍ଚୁରେ ଶୀତ
-ଭାନୁ ଚନ୍ଦ୍ରିକାକୁ ବିତ୍ତ ଯାଏ କିଛି ସରିକି ରେ । ୩ ।
ଢୋକୁଟିକୁ ସିନା ହଟି ମୋ ସାର ଯାଉଛି ତୁଟି
ପିଇ ଦିଅନ୍ତି କି ଗୋଟିଯାକ ସେ କିଶୋରୀକି ରେ । ୪ ।
ଢବା ତନାବିରୁ ଗୋପ ନଗରୀର ବନ୍ଦେ ଭୂପ
ବାଲୁକେଶ ଦେବ ନୀପକୁଞ୍ଜପୁଞ୍ଜ ସରିକି ରେ । ୫ ।