(କବିସୂର୍ଯ୍ୟ— ରାଗ ଆନନ୍ଦ କାମୋଦୀ, ତାଳ ଖେମଟା)
Jha Patala — Kisorachandrananda Champu
ଝ ପଟଳ — କିଶୋରଚନ୍ଦ୍ରାନନ୍ଦ ଚମ୍ପୂ
ଝଗଡ଼ି ମାତ୍ର ହେଲ ହେ ଶ୍ୟାମ
ଝିମୁଟ ହେବାକୁ ସହସ୍ର ଯାମ । ଘୋଷା ।
ଝାଉଁଳିବା ନବ ତମାଳ ରମା
ଝିଙ୍କି ଆଣି ଅଙ୍ଗେ କଲଣି ଜମା । ୧ ।
ଝଡ଼ିବ ବଳ କୋମଳ ଛାତିରୁ
ଝଷଧ୍ୱଜ ପୀଡ଼ା ଝାଞ୍ଜି ତାତିରୁ । ୨ ।
ଝୁମି ଝୁମି ଲୁଠି ପୃଷ୍ଠେ ରସାର
ଝୁରିବାର ଏକା ହୋଇବ ସାର । ୩ ।
ଝଳି ପାଞ୍ଚାଳୀ ଝଟକେ ନାହିଁ କି
ଝୋଲା ମାଇଲା ତୁମ୍ଭଙ୍କୁ କାହିଁକି । ୪ ।
ଝଲକି ଗଲ କୃଷ୍ଣ ଅକାରଣେ
ଝାଡ଼ଖଣ୍ଡ ରସା ବାଦସା ଭଣେ । ୫ ।