(କବିସୂର୍ଯ୍ୟ— ରାଗ ମୋହନା, ତାଳ ଏକତାଳି)
Ña Patala — Kisorachandrananda Champu
ଞ ପଟଳ — କିଶୋରଚନ୍ଦ୍ରାନନ୍ଦ ଚମ୍ପୂ
ନ ଭାଙ୍ଗ ରେ ଶୁଭାଙ୍ଗୀ ଭାରତୀ ହୁଅ ସାହା । ଘୋଷା ।
ନୋହିଲେ ତୁ ପରିତ୍ରାଣ ନିର୍ଦ୍ଦୟ ନତନୁ ବାଣ
ନିଃଶେଷ କଲାଟି ଦେହ ଲାହା । ୧ ।
ନୀପକୁଞ୍ଜ ଉପକଣ୍ଠେ ନ୍ୟସ୍ତ କରାଅ ମୋ କଣ୍ଠେ
ନାଗରୀନ୍ଦ୍ର ନିରୁପମ ବାହା । ୨ ।
ନେତ୍ରାନ୍ତ ବିଳାସ ତାର ନିଦାନ ଏ ଅବସ୍ଥାର
ନିରେଖି ଉଚ୍ଚାରୁ ଥରେ ଆହା । ୩ ।
ନିଶ୍ଚୟ ଏ ଘେନ ଚିତ୍ତେ ନ ଜୀଇବି କଦାଚିତେ
ନ ବତାଇଲେ ତୁ ସୁଖ ରାହା । ୪ ।
ନାଥ ଅଷ୍ଟଦୁର୍ଗର ଯେ ନିତି ସେ ମୋ ପାଦେ ଭଜେ
ନିନ୍ଦିବଟି ନ କଲେ ତୁ ତାହା । ୫ ।