(ଲୋକନାଥ ପଟ୍ଟନାୟକ— ରାଗ ଶଙ୍କରାଭରଣ, ତାଳ ଏକତାଳି)
କାରେ ଦେଖାଉ ତେଜରେ ଖଞ୍ଜନ ନୟନା
ବାରେ ମାନସେ ହେଜରେ । ଘୋଷା ।
ସୁନ୍ଦର ପୀତବାସ ଅଧରେ ମନ୍ଦହାସ
କରି ସୁପରକାଶ କଲା ତୋ ଦମ୍ଭ ନାଶ ।
(ପଡ଼ି)
ବରଜ ଯୁବରାଜ କରଜରେ ଉରଜ
ଚିରାଇ ଦ୍ୱିଜରାଜ ମୁଖୀ ହେଉଛି ସଜ
ବାଜା ବଜାଇ ବ୍ରଜ ବଜାରେ ଯିବୁ ଆଜ
ସଜ ସରୋଜ ନେତ୍ରୀ ମୁଖେ ନାହିଁକି ଲାଜ । ୧ ।
ତା ବିନା ନାରୀ ରାଣ ନାହିଁ ତୋ ପରିତ୍ରାଣ
ବହି ମନରେ ମାନ ମିଛେ ଦେଖାଉ ଟାଣ ।
(ପଡ଼ି)
ବରଜ ଯୁବରାଜ କରଜରେ ଉରଜ
ଚିରାଇ ଦ୍ୱିଜରାଜ ମୁଖୀ ହେଉଛି ସଜ
ବାଜା ବଜାଇ ବ୍ରଜ ବଜାରେ ଯିବୁ ଆଜ
ସଜ ସରୋଜ ନେତ୍ରୀ ମୁଖେ ନାହିଁକି ଲାଜ । ୨ ।
ଚିତ୍ତରେ ବହି ତୋଷ ଭାଷ ମଧୁର ଭାଷ
ଶ୍ୟାମରେ କଲେ ରୋଷ ଲଭିବୁ ଅପଯଶ ।
(ପଡ଼ି)
ବରଜ ଯୁବରାଜ କରଜରେ ଉରଜ
ଚିରାଇ ଦ୍ୱିଜରାଜ ମୁଖୀ ହେଉଛି ସଜ
ବାଜା ବଜାଇ ବ୍ରଜ ବଜାରେ ଯିବୁ ଆଜ
ସଜ ସରୋଜ ନେତ୍ରୀ ମୁଖେ ନାହିଁକି ଲାଜ । ୩ ।