(ଲୋକନାଥ ପଟ୍ଟନାୟକ— ରାଗ ଦେବଗାନ୍ଧାରୀ, ତାଳ ଏକତାଳି)
ଯା ରେ ଯା ସଖୀ
ବ୍ରଜରାଜ ନଗରେ ତୁ ଯା । ଘୋଷା ।
ସରସ ତେଜି ମନୁ ବେଗେ ତୁ ବର ତନୁ
ସଯତନେ ରତନେ ସଜା
(ପଡ଼ି)
ମିଳି ବ୍ରଜ ବଜାରେ ସଖୀ ମନ ମଜ୍ଜାରେ
ଶ୍ୟାମ ପ୍ରୀତି ଡିଣ୍ଡିମ ବଜା । ୧ ।
ତୋତେ କରିଛି ଆଶ ସୁନ୍ଦର ପୀତବାସ
ମୀନନେତ୍ରୀ ପୀନ ଉରଜା
(ପଡ଼ି)
କୁନ୍ଦରଦନା ଗୋରୀ ସୁନ୍ଦର ଗିରିଧାରୀ
ପ୍ରେମ ରସେ ବିବେକ ହଜା । ୨ ।
ତା ନାମ ଗାଉ ଗାଉ ଦିନ ଯାଉ ତୁ ଆଉ
ଘର ସଂସାରେ ଫେରି ନ ଯା
(ପଡ଼ି)
ନନ୍ଦନନ୍ଦନ ଘନଶ୍ୟାମ ସୁରସେ ଘନ
-ଜଘନା ମାନସ ମଜ୍ଜା । ୩ ।