(ଦୀନକୃଷ୍ଣ— ରାଗ ପଟ୍ଟମଞ୍ଜରୀ, ତାଳ ଝମ୍ପା)
ଅକ୍ଷ ଲୀଳା ଲକ୍ଷ୍ୟ କଲୁ ଯା ମୋହନ ରାଜ ରେ
ଅର୍ଯ୍ୟମା ରାଜଦୁଲ୍ଲଣୀ କି ଯୋଗରେ ଆଜ ରେ । ଘୋଷା ।
ଅପୂର୍ବ କୀର୍ତ୍ତି କେତନ ଉଡ଼ିବଟି ଜୀବଧନ
ଅବଶ୍ୟ ତୋ ନାମରେ ଏ ଅଖିଳ ବ୍ରଜରାଜ ରେ । ୧ ।
ଅତନୁ ଅମଳେ ବାଇଆଣୀ ହୋଇଯିବୁ ରାଈ
ଅଡ଼ିବ ବିରହ ବ୍ୟାଧି ସଢ଼ିଯିବୁ ଲାଜରେ । ୩ ।
ଅଳି ନୀଳ କୁନ୍ତଳାଟି ଅଲ୍ୟଳୀ ପ୍ରବାଳ ଓଷ୍ଠୀ
ଅକଥନ ରଟିବେ ତ ଆଭିରୀ ସମାଜରେ । ୪ ।
ଅକଳଙ୍କ ଚନ୍ଦ୍ରବଂଶେ ଅଠା ଲାଗିବ ବିଶେଷେ
ଅଡ଼ୁଆରେ ପଡ଼ିଗଲୁ (ଭଲା) ନ ରଖି ନିହାଜରେ । ୫ ।
ଅଶ୍ରୁଧାର କର ପଛେ ପୋଛିବୁ ଜାଣିଲି ସ୍ୱଚ୍ଛେ
ଅସମ୍ଭାଳ ହେଲୁ ଦୀନକୃଷ୍ଣ କରି ତ୍ୟାଜ ରେ । ୬ ।