(ଦ୍ୱିଜ ପଦ୍ମନାଭ— ରାଗ ମୋହନା, ତାଳ ଯତି)
ତ୍ରାହି ତ୍ରାହି ମଦନମୋହନ
ତ୍ରାହି ଶ୍ରୀ ସଚ୍ଚିଦାନନ୍ଦ
ତ୍ରାହି ନବଦ୍ୱୀପ ଜିଣିତ ସୁଧାକର
ତ୍ରାହି ତ୍ରିଭୁବନ ବନ୍ଦନ । ଘୋଷା ।
ଗରୁଡ଼ଗମନ ସୁଧର୍ମାପାଳନ
ଭକ୍ତଜନରଙ୍କର ପାଳନ
ମାନଗୋବିନ୍ଦ ଗର୍ବଗଞ୍ଜନ
କାଳୀ ଶିରେ କଲ ନର୍ତ୍ତନ । ୧ ।
ଜନମ କାଳରେ ଇନ୍ତୁଡ଼ିଶାଳରେ
ପୂତନେ ଦେଲା କ୍ଷୀର ପାନେଣ
କାଳରୂପେ ହରି ମାୟା ତାକୁ କରି
କ୍ଷୀର ସଙ୍ଗତେ ପ୍ରାଣ ଶୋଷିଣ । ୨ ।
ଅର୍ଘା ବକା ଷଣ୍ଢା ଶକଟା ନାଶିଲ
ତୃଣାସୁରକୁ କଲ ବନ୍ଧନ
କଂସ କେଶୀ ମାରି ମାୟା ତାକୁ କରି
ମାଈଁଙ୍କ କୋଳେ କଲ ରୋଦନ । ୩ ।
ଶ୍ରୀଗୁରୁ ବୈଷ୍ଣବ ଯା ପାଦ ପଙ୍କଜ
ଭଜିଣ ଯିବା ବୃନ୍ଦାବନେଣ
ତ୍ରାହି ମାନସ ସାର ସାରସ
ପଦ୍ମନାଭ କରେ ବନ୍ଦନ । ୪ ।