(ଗୋପାଳକୃଷ୍ଣ— ରାଗ ଆନନ୍ଦ, ତାଳ ଆଡ଼ତାଳି)
ମାନସ ଭାବ ରାଧା ମାଧବ
ନୂତନ ଭେଟ ମହୋତ୍ସବ ମାଧୁରୀ । ଘୋଷା ।
ଶ୍ୟାମ କୁଞ୍ଜରେ ରାଧା ଆଜିରେ
ତାର ତରଳ ଡୋଳା ଖେଳା ଚାତୁରୀ । ୧ ।
ଆଳି ନିକରେ କେଳି ମନ୍ଦିରେ
ଦୁଆରେ ଛାଡ଼ି ଦେବାର କର ଧରି । ୨ ।
ସଙ୍ଗିନୀ ବାସ ନ ତେଜ ରାସ
ରଙ୍ଗିନୀ ଥକିବାର ଲାଜେ ଓହରି । ୩ ।
ସଖୀ ହସନ୍ତି ଥରୁଁ ଶ୍ରୀମତୀ
ଆସୁ ନିକଟକୁ ନିକୁଞ୍ଜ ବିହାରୀ । ୪ ।
ପ୍ରମତ୍ତେ ଗଜ ହେମ ପଙ୍କଜ
ନେଲାପରି ହେବାର ନବ କିଶୋରୀ । ୫ ।
ହେଲା ସତୃଷ୍ଣ ଗୋପାଳକୃଷ୍ଣ
ଧୀରେ କବାଟ ପୁଟ ଆଣି ଓଟାରି । ୬।