(କୃଷ୍ଣଦାସ ବଡ଼ଜେନା— ରାଗ ନଟ, ତାଳ କୁଡ଼ୁକ)
(ନଟ୍ଟରାଗେଣ)
କିଞ୍ଚିଦୁଦଞ୍ଚୟ ଚଞ୍ଚଳନୟନେ ସଞ୍ଚିତବହୁଲାବଣ୍ୟମ୍
ବଦନମିଦଂ ବିଧୁମଣ୍ଡଳମଧୁନା ମୁଞ୍ଚତୁ ମାନମଗଣ୍ୟମ୍ ।
କିମିତି କରୋତି କୃଶୋଦରି ରୋଷମ୍
ମଦନମହାନଳବିକଳଶରୀରଂ ମାନବ ଭଜ ପରିତୋଷମ୍ । ଧ୍ରୁ ।
ବଚନମୁଦୀରୟ ମଧୁରାଳାପିନି ମୃଦୁମନ୍ଦସ୍ମିତକାନ୍ତମ୍
କିଂଚନ ସିଂଚ ସୁଧାରସବିନ୍ଦୁଭିରଙ୍ଗମିଦଂ ମମ ତାନ୍ତମ୍ ।
ରାଧାମାଧବକେଳିକଳାରସଖଚିତଂ ନବମବିଗୀତମ୍
ସୁଖୟତୁ ସଜ୍ଜନଚିତ୍ତଂ ସତତଂ କୃଷ୍ଣଦାସକବିଗୀତମ୍ ।