(ବୀରବିକ୍ରମ ଦେବ— ରାଗ ସେନା, ତାଳ ଯତି)
ସଖୀ କହି ନୁହଇଁ ଯେ ଜାଣିଛି ସେ ଜାଣିଛି
କେତେବେଳେ ସେ ସମୟ ମନୁ ନୁହଇଁ ମୂରୁଛି । ଘୋଷା ।
ରଖି ପ୍ରୀତି ପ୍ରତିଆଶ ଧରି ମନୋହର ବେଶ
ଲାଭ ଭୟେ ତୁନି ତୁନି ଚାଲିବାର ବାଟି ବାଛି । ୧ ।
ସଙ୍କେତ ସ୍ଥାନକୁ ଯାଇ ଚଉପାଶକୁ ଅନାଇ
କର୍ଣ୍ଣ ଡେରି ରହିବାର ଭାଳିବାର କେ ଆସୁଛି । ୨ ।
ଦଇବେ ନୋହିଲେ ଭେଟ ଅବା ବଳି ଗଲେ କଣ୍ଟ
ବେଳୁଁ ବେଳ ବଳେ କଷ୍ଟ ଉପାୟ ନ ଦିଶେ କିଛି । ୩ ।
ଜଗି ଜଗି ବସିବାର ବାରମ୍ବାର ଉଠିବାର
ନିମିଷକୁ ପାଞ୍ଚିବାର ଯୁଗ ସମ କି ହେଉଛି । ୪ ।
ବୋଲଇ ବୀରବିକ୍ରମ ପର ପୀରତି ବିଷମ
ଚୋର ପରି ଲୁଚିବାର ନୟନେ ମୋ ନାଚୁଅଛି । ୫ ।