(ବୀରବିକ୍ରମ ଦେବ— ରାଗ ଶୋକ କାମୋଦୀ, ତାଳ ଆଠତାଳି)
ଦର ହାସିନୀ ରେ ସେହି ଦରଶନ ସାର
ପର ହୋଇ ମୋର ଜଗି ନିରନ୍ତର
କି କରିବ ମାର ଛାର । ଘୋଷା ।
ଦ୍ୱିରଦଗମନା କରି ଆଶ୍ୱାସନା
କହିବା ମଧୁର ଗିର
ମୁଖ ମୋଡ଼ିବାର ମନ୍ଦେ ହସିବାର
ମୋ ନୟନେ କଲା ଘର । ୧ ।
ନାସିକା ଫୁଲାଇ ତେରଛେ ଅନାଇଁ
ଫିଙ୍ଗିବା କଟାକ୍ଷ ଶର
ଛି ମା ବୋଲି ଧୀରେ ବୁଜି ନେତ୍ର କରେ
ଆଡ଼ରୁଷା ରୁଷିବାର । ୨ ।
ଗୁରୁଜନ ସଙ୍ଗେ ଥିଲେ ହେଳେ ରଙ୍ଗେ
ମୋ ଆଡ଼କୁ ଚାହିଁବାର
ତରତରେ ଲୁଚିବାର । ୩ ।
ବୀରବିକ୍ରମର ଏ ବିନୟ ଗିର
ବିବାସ ଶୋଭା ତୋହର
ଦେଖିବାକୁ ମନ ବଳିଅଛି ଧନ
ଅଙ୍ଗୀକାର ବାରେ କର । ୪ ।