(ଗୌରଚରଣ— ରାଗ କାମୋଦୀ, ତାଳ ଏକତାଳି)
ଆଜ ଦେଖିଲି ବନମାଳୀକି ଗୋ
ଏ ପରା ଦଳିଥିଲେ କାଳୀକି ଗୋ । ଘୋଷା ।
ବ୍ରଜବାଳକ ସଙ୍ଗେ ବନୁ ଆସନ୍ତି ରଙ୍ଗେ
ବଜାଇ ବେଣୁ ଶିଙ୍ଘା କାହାଳୀକି ଗୋ । ୧ ।
ବନ କୁସୁମେ ବେଶ କି ଶୋଭା ପୀତବାସ
କର୍ଣ୍ଣେ କୁଣ୍ଡଳ କରତାଳିକି ଗୋ । ୨ ।
ବାମେ ବାନ୍ଧିଛି ଜୂଡ଼ା ଶିଖୀ ଶିଖଣ୍ଡ ବେଢ଼ା
ଖୋସିଣ ରଙ୍ଗ ଜାମୁଡାଳିକି ଗୋ । ୩ ।
ଅଙ୍ଗେ ଗୋରଜ ଧୂଳି ଆସନ୍ତି ଢଳି ଢଳି
ଡାକନ୍ତି ଧବଳୀ ଶ୍ୟାମଳୀକି ଗୋ । ୪ ।
କ୍ଷୀର ଲବଣୀ ସର ଭୁଞ୍ଜାଇ କଲି ସ୍ଥିର
ମୋହନ ସେବେ ପାଦତଳିକି ଗୋ । ୫ ।
( ଗୌରଚରଣ ନିଜ ପ୍ରିୟ ଶିଷ୍ୟ ମୋହନ ଦାସ ଅଧିକାରୀଙ୍କ ନାମରେ ଭଣିତା କରିଅଛନ୍ତି )