(ବନମାଳୀ— ରାଗ ମୋହନ କେଦାର, ତାଳ ଏକତାଳି)
ପ୍ରିୟ ଛାଡ଼ ହେ ମୋହ ଆଶା ଭରସା
ନ ରଖ ପରବଶ ମୁଁ କହି ଦେଲିଟି
ଗୋଚର କଲିଟି ହେ ତୃଷା
ଥାଇ ସୁଧା ଏଡ଼ିଲିଟି ହେ । ଘୋଷା ।
ଜଗିଛନ୍ତି ଅରି ଦିବସ ଶର୍ବରୀ
ଉଞ୍ଚାଇ ନୟନ ଭାଲିଟି ହେ । ୧ ।
ଜାଣି ଖରଶ୍ୱାସ ସ୍ୱାମୀ ଅବିଶ୍ୱାସ
କରଇ କ୍ରୋଧେ ପାଶରୁ ଦିଏ ଠେଲିଟି ହେ । ୨ ।
ମନକୁ ଆଘ୍ରାଣ କରୁଛନ୍ତି ଜାଣ
ସପତ୍ନୀ ସଳଖି ନ ପାରେ ଚାଲିଟି ହେ । ୩ ।
ଶ୍ୱଶୁରଙ୍କୁ ଧାତା ଇଙ୍ଗିତ ଦେବତା
ସ୍ୱରୂପ ଗଢ଼ିଛି ମୋତେ ଦେଲା ଭୁଲିଟି ହେ । ୪ ।
ମୋହ ଯାଆମାନେ ବୋଲନ୍ତି ନ ମାନେ
ତାଙ୍କର ଶତ୍ରୁ ଅଟେ ମୋହର ଚିଲ୍ଲୀଟି ହେ । ୫ ।
ଆଉ ବୃଥା ଶ୍ରମ ନ ପାଅ ମରମ
କହି ରସିକ ଅନ୍ତର ହେଲିଟି ହେ । ୬ ।
ତୁନି କରି ବନମାଳୀ ବୋଲେ ଧନ
ବୈଦ୍ୟ ମୁଁ ଚତୁରା ଚିତୋଇବ ଗଲିଟି ହେ । ୭ ।