(କବିଚନ୍ଦ୍ର କାଳୀଚରଣ— ରାଗ ଧନାଶ୍ରୀ, ତାଳ ଆଠତାଳି)
ପାଶୋରି ହେବ କି ବନ୍ଧୁକୁ
ଶ୍ୟାମକୁ ତା ତିନିଭଙ୍ଗୀ ଠାମକୁ
ଦଳିତ ଅଞ୍ଜନ କଳା ଛବି ଜିଣେ କାମକୁ
ନବୀନ ନୀରଦ ନିନ୍ଦେ ମୁରଲୀଧର ତାର
ଢଳା ଚୂଳ ବାମକୁ । ଘୋଷା ।
କଦମ୍ବ ମୂଳିଆ କାହ୍ନୁ ହଟିଆ ନାଗର
ସତୀ ମତି ଧୃତିହରା ରାସ ରସସାଗର
(ପଡ଼ି)
ପୀତପଟ ଧିଟ ଶଠ ନଟକୂଟିଆ
କୁଞ୍ଜବନେ ରାଇ ରାଇ ସ୍ୱନେ
ମୁରଲୀ ବଜାଏ ଘର ପାଶୋରାଏ
ଘାରି ମରମକୁ । ୧ ।
କବିଚନ୍ଦ୍ର କହେ ସଖି ପଚାର ତୁ ଅନ୍ତରେ
ମରୁ କି ନା ନିଶିଦିନ ଝୁରି ପ୍ରୀତି ମନ୍ତରେ
(ପଡ଼ି)
ମଧୁ ଆସେ ପାଶେ ଆସେ ମଧୁରସିଆ
ଚନ୍ଦ୍ରମୁଖୀ ଏତେ ଘେନ ମନେ
ତୋ ଘେନି ମୋହନା ନ ମାନେ କି ମନା
ରଟେ ତୋ ନାମକୁ । ୨ ।