(କବିସୂର୍ଯ୍ୟ— ରାଗ କାନଡ଼ଗୌଡ଼ା, ତାଳ ଆଠତାଳି)
ବର ନାଗରୀ ଆଜ ଥରେ ହେବୁ ମୋ ପରି ରେ । ଘୋଷା ।
ଦୀପ ଥିଲେ କି ପରୁଆ ରେ ପ୍ରାଣବନ୍ଧୁଆ
ଘେନ ତୁ ମୁଁ ତୋର କି ପରୁଆ ରେ । ୧ ।
ବିବସନ ବେଶୁଁ କି ଲାଜ ରେ ରସିକା ରାଜ
ଦିବସ କାଳ ତ ନୁହେଁ ଆଜ ରେ । ୨ ।
ରଟୁ କଳାପ କିଙ୍କିଣୀ ରେ ତରୁଣୀମଣି
କେ ଆସି ପାରେ କି ତାହା ଶୁଣି ରେ । ୩ ।
ବୁଜିଥିବି ମୁଁ ମୋ ଆଖି ରେ ବଣା ମୃଗାକ୍ଷୀ
ଚାହିଁଲେ ମୋ ଅଙ୍ଗେ ଯିବୁ ଲାଖି ରେ । ୪ ।
ଦେଖାଇବି ଦରପଣ ରେ ତୁ ରଣରଣ
ରଣେ କର ବାହାଦୁରପଣ ରେ । ୫ ।
ଶ୍ୟାମ ଗିରେ ବାଳା ରସେ କ୍ରୀଡ଼ା ବିଳାସେ
ବସୁଦୁର୍ଗ ପୁରନ୍ଦର ଭାଷା ରେ । ୬ ।