(ରଘୁନାଥ— ରାଗ ଆନନ୍ଦଭୈରବୀ, ତାଳ ଏକତାଳି)
ସଜନୀ ୟେ ଦଶା ମୋର ତୋ ଘେନି
ଆସିବେ ବୋଲି ଜଗାଇଦେଲୁ ଯା ଆଜ ରଜନୀ । ଘୋଷା ।
କଲୁ ତାହା ଆନ ଦେଲୁ ଯେତେ ଆନ
ମୋର ଅଭିମାନ କରାଇଲୁ ମ୍ଳାନ
ମୁଁ ସତୀପଣକୁ ନ ଗଣେ ଜଣକୁ
ଏବେ ତାହା ହେଲେ ହାନି ଗୋ । ୧ ।
ସ୍ନେହ ବଳାଇଲୁ ମନ ଝଳାଇଲୁ
ମତେ ଛଳାଇଲୁ ଦୁଃଖେ ଦଳାଇଲୁ
ଏବେ ତୋର କଥା ହୋଇଗଲା ବୃଥା
ଆସିଥିଲି ସତ ମାନି ଗୋ । ୨ ।
ପାଇ ତୋ ଆଦେଶ ହୋଇ ମୁଁ ସୁବେଶ
ପିନ୍ଧି ନୀଳବାସ ଲଭିଥିଲି ରୋଷ
ମୋର ପ୍ରତିଆଶା
ହୋଇଗଲା ସିନା ଗ୍ଳାନି ଗୋ । ୩ ।
ପୁରେ ରହିଥିଲି କାଳ ବଞ୍ଚୁଥିଲି
ଏଥିକି ଆସିଲି ଚିନ୍ତାରେ ଭାସିଲି
କହେ ରଘୁନାଥ ଏ ବନେ ଅନାଥ
କରିଦେଇ ହେଲୁ ତୁନି ଗୋ । ୪ ।