(ରଘୁନାଥ— ରାଗ ଧନାଶ୍ରୀ, ତାଳ ଏକତାଳି)
ଏଡ଼େ ବିମୁଖ ମୋ ଠାରେ କାହିଁ ପାଇଁ ଗୋ
ତେଡ଼େ ଅପରାଧୀ ମୁହିଁ ହୋଇ ନାହିଁ ଗୋ । ଘୋଷା ।
କଙ୍କେଳି କୁଞ୍ଜରେ ବୋଲି କହିଥିଲା କୁନ୍ଦବଲ୍ଲୀ
ସଙ୍କେତ କଥା ମନେ ରହିଲା ନାହିଁ ଗୋ । ୧ ।
ବକୁଳକୁ ଜବା ବୋଲି ବଞ୍ଜୁଳ କୁଞ୍ଜକୁ ଗଲି
ସୁକୁମାରୀକି ଲୋଡ଼ିଲି କେତେ ଠାଇଁ ଗୋ । ୨ ।
ଲଳିତାନନ୍ଦଦା କୁଞ୍ଜେ ଲୋଡ଼ି ଲୋଡ଼ି ଗଲି ମୁଁ ଯେ
ଅଳୀକ ନୁହଇ ସହି ସତ ଏହି ଗୋ । ୩ ।
କହେ ରସେ ରଘୁନାଥ କବି କୁମୁଦିନୀ ନାଥ
ରହେ କାହାର ଆୟତ୍ତ ହେଲେ ସ୍ନେହୀ ଗୋ । ୪ ।