(ଦ୍ୱିଜ ପଦ୍ମନାଭ— ରାଗ ସୁରଠ, ତାଳ ଏକତାଳି)
ବାଦ କରି ମଦନ ତରଜ ନା
ସଂଶୟ ପରିହର ମୁଁ ହରି ହର ତୋ ପର
ପଞ୍ଚ ସୁମନଶର ବରଜ ନା । ଘୋଷା ।
ମମ ହୃଦ ହାର ମାର ସେ କି ବିଷଧର
ମଳୟଜ ରଜ ତୁ ଭଷ ମଣ ନା
ଅତିଶୟ ମଞ୍ଜୁଳ ନବ କୁବଳୟ ଦଳ
କଣ୍ଠେ ନୁହେ ଗରଳ ଗରଜ ନା । ୧ ।
ରାଧା ନୟନ ବାଣେ ତନୁ ଜରଜର
ଦୁଃସହ ଧୃତି ରତିପତି ହର ନା
ସୁବୁଦ୍ଧି ଗୁଣନିଧି ମୂର୍ଚ୍ଛିତ ଜନ ବଧି
ଦୁଷ୍ଟ କୁବୁଦ୍ଧି ସିଦ୍ଧି ଅରଜ ନା । ୨ ।
କହେ ଦ୍ୱିଜ ପଦ୍ମନାଭ ଶୁଣ ମାଧବ
ଆଣିବି ରସମୟୀ ସୁଖସଦନା
ବିହର ତ ସଙ୍ଗର ଦର୍ପକ ଦର ଦୂର
କର ସବିନୟ ଗିର ସରଜ ନା । ୩ ।