(ବେଣୁଧର— ରାଗ ଶୁଦ୍ଧଦେଶୀ, ତାଳ ଖେମଟା)
ଛାଡ଼ି ଦିଅ ମନୁ ଚିନ୍ତା ହେ ମୋହନ
ଛାଡ଼ି ଦିଅ ମନୁ ଚିନ୍ତା
ଆହା ଧନମାଳୀ ଶିଖଣ୍ଡମଉଳି
ପାଇଲେଣି କେତେ ବ୍ୟଥା । ଘୋଷା ।
ଚଞ୍ଚଳ ବିଜୟ କର କଳାକାହ୍ନୁ
ଚଞ୍ଚଳ ବିଜୟ କର
ଅଞ୍ଚଳରେ ମୁହଁ ପୋଛି ପୋଛି ଯାଅ
ଯାହାର ସେ ଜରଜର । ୧ ।
କହିବ ହେଲେ ତା ଆଗେ ହେ ମୋହନ
କହିବ ହେଲେ ତା ଆଗେ
କରୁଣା ବଡ଼ୀଶେ ଅରୁଣ ଅଧରୀ
ଘେନିବେ ଅତି ସରାଗେ । ୨ ।
ତହୁଁ କହିଲେ ମୋହନ କାନ୍ଦି କାନ୍ଦି
ତହୁଁ କହିଲେ ମୋହନ
କବିଚନ୍ଦ୍ର ବେଣୁଧର କହେ ଦୁଃଖେ
ଛନ୍ଦା ପାଦେ କରି ଧ୍ୟାନ । ୩ ।