(ସିଂହାରୀ ଦାମୋଦର କର— ରାଗ ଶଙ୍କରାଭରଣ, ତାଳ ଏକତାଳି)
ମାନ ତେଜ ସୁନାଗୋରୀ ସରାଗେ ରମଣୀମଣି
ଖଞ୍ଜନ ନୟନୀ ଚାହାଁ
ଦଣ୍ଡନା ଆଉ ମହୀମଣ୍ଡନା ରେ ସୁମତି
ମଣ୍ଡ ତୁଣ୍ଡେ ମଧୁ ହାସ ସୁରସବତୀ । ଘୋଷା ।
କଣ୍ଠୀରବ ମଧ୍ୟମା ରାମାରତନ ବାମା
ଗଣ୍ଠିଧନ ମୋ ସୁଷମାନନୀ କର କ୍ଷମା
(ପଡ଼ି)
ନାଶ ମୋ ମନୁ ପରାଶ ଅତନୁ ତନୁ
କାଶବିଜିତ ମୃଦୁହାସ ପୀରତି ଧନୁ
ନିନ୍ଦି ଇନ୍ଦୁ ଗୁରୁବାଣୀ ଶଶୀବଦନୀ
ବିତରି ତୁରିତେ ପୁରତେ ପରତେ ଜବାଧରା । ୧ ।
କୁସୁମଚାପ ଜିଣି ଠାଣି ତ୍ରିଭଙ୍ଗ ଆଣି
ତେଜି ମରୁତସୁତ ସଘନେ ବାମ ପାଣି
(ପଡ଼ି)
ଆଣି ଏଣୀନୟନା ଜାଣି ହରବଦନା
ବାଣୀ ପାଣି ପରମାଣି ସୁରସଦନା
ରାଣୀ ରମଣୀମଣି କୁଳକୁଳରଦନା
ପରତେ ଅରତେ ସୁରତେ ପରତେ ରସବତୀ । ୨ ।
କଳକଣ୍ଠ ନିନାଦେ ସଜାଇ ତୁ ପାଦେ
ସଜାଇ କବରୀ ହଜାଇ ଚେତନା ମଖି
(ପଡ଼ି)
ଶାନ୍ତିପ୍ରଦାନ ହରଭ୍ରାନ୍ତିରେ ଜରଜର
କାନ୍ତି ଛବିରେ ନଖ ଶାନ୍ତି ପୁରନ୍ଦର
ରମଣୀ ନିନ୍ଦି ସୁଖ ଇନ୍ଦି ଇନ୍ଦୀବର
ବଦନ ସଦନ ରଦନା ବଦନା ରେ ସୁମନା । ୩ ।