(ଲୋହି ଦାସ)
Composed in honour of Mahapurusa Jasobanta Dasa
ମହାପୁରୁଷ ଯଶୋବନ୍ତ ଦାସ ଗୋସାଇଁଙ୍କ ଉଦ୍ଦେଶ୍ୟରେ ରଚିତ
ଧନ୍ୟ ସ୍ୱାମୀ ଶ୍ରୀ ଯଶୋବନ୍ତ
ମହିମାରେ କେହି ନ ପାନ୍ତି ଅନ୍ତ
ସ୍ଥଳ ଅଢ଼ଙ୍ଗ ନାଇଲୋ ନନ୍ଦିଗ୍ରାମ
ଚଉରାଶୀ ଆଜ୍ଞା ଯହିଂ ବାଦିତ । ଘୋଷା ।
କ୍ଷତ୍ରିୟ କୁଳରେ ଉଦିତ ହୋଇଣ
ମହିମା ତୁମ୍ଭର ହେଲା ବିଖ୍ୟାତ
ଅନନ୍ତ ଅଚ୍ୟୁତ ବଳରାମ
ଜଗନ୍ନାଥ ଯଶୋବନ୍ତ ଏ ପାଞ୍ଚ ଭକ୍ତ । ୧ ।
ବଟ ବକୁଳ ଓଶସ୍ତ ଚୂତ
କଦମ୍ବ ଏ ପାଞ୍ଚ ଗୋସ୍ୱାମୀଙ୍କର ସଙ୍କେତ
ସ୍ଥଳରେ ମହିମା କି ଦେବା ଉପମା
ଆଡ଼ ଦୀର୍ଘେ ପାଞ୍ଚ ହଜାର ହାତ । ୨ ।
ଅଠରଶ ନାଗା ଗୁପତ ହୋଇଣ
ନଳିନୀ ପୋଖରୀ ତଟରେ ସ୍ଥିତ
ମାର୍ଗଶୀର ମାସ ଓଢ଼ଣ ଷଷ୍ଠୀରେ
ଦିଦାର୍ଦ୍ଧ ଯେ ମହୋତ୍ସବ ରଞ୍ଚିତ । ୩ ।
ସନ୍ତଧାରୀ ମଠ ମହନ୍ତ ସହିତେ
ଠାବେ ଠାବେ ଧୁନି କରନ୍ତି ନୃତ୍ୟ
ବାମ ପାରୁଶରେ ବିଜେ କରିଛନ୍ତି
ଲକ୍ଷ୍ମୀ ଶାଳଗ୍ରାମ ଶ୍ରୀ ଗୋପୀନାଥ । ୪ ।
ପାଉଥାଏ ଶୋଭା ଜନମନ ଲୋଭା
ସର୍ବାଙ୍ଗେ ଚନ୍ଦନ ବସ୍ର ଭୂଷିତ
କହେ ଲୋହିଦାସ ପଶୁଛି ଶରଣ
ପଦ୍ମପାଦ ତଳେ ରହୁ ମୋ ଚିତ୍ତ । ୫ ।