(ଦୀନବନ୍ଧୁରାଜ)
ଶ୍ରୀ ଜଗନ୍ନାଥ କୃପାନିଧାନ ହେ
କର ଦୀନରେ କୃପାନିଧାନ ହେ । ଘୋଷା ।
ସେବକ ଅପରାଧୀ ହେଲେ କରୁଣାନିଧି
କ୍ଷମା ତ ପ୍ରଭୁପଣ ବିଧାନ ହେ । ୧ ।
ସାଧୁ ଜନଙ୍କ ସଙ୍ଗେ ମଜ୍ଜି କୀର୍ତ୍ତନ ରଙ୍ଗେ
ନ କଲି ତୁମ୍ଭ ଯାତ୍ରା ଲୋକନ ହେ । ୨ ।
ତୁମ୍ଭ ଶ୍ରୀମୂର୍ତ୍ତି ଶୋଭା ଦେଖି ମୋ ନେତ୍ର ଲୋଭା
ନୋହିଲା ବ୍ୟର୍ଥ ହେଲା ନୟନ ହେ । ୩ ।
ସେବା ବିନା ତୁମ୍ଭର ହେ କଞ୍ଜନେତ୍ର ମୋର
ଧିକ୍ ରାଜତ୍ୱ ପ୍ରଭତ୍ୱ ଜୀବନ ହେ । ୪ ।
ଆହେ ଆରତତ୍ରାଣ ହୁଅ ଦୁଃଖୀ ଶରଣ
ଦୀନବନ୍ଧୁ ଦୁଃଖ ବିମୋଚନ ହେ । ୫ ।