(ଦୀନବନ୍ଧୁରାଜ)
ରସ ନିଧିରେ ବସ ମୋହର ସନ୍ନିଧିରେ । ଘୋଷା ।
ସୁମଧୁରା ଧରା
ଧରୁ କର ହସିତ କୁସୁମ ମଧୁରାଧରା । ୧ ।
ମୁଖ କଳାକର
ଟେକି ପଞ୍ଚଶୀଳ ମୁଖ ମୁଖ କଳାକର । ୨ ।
ନବ ସୁରସାରେ
ତୁ ପରା ମୋ ଅଙ୍ଗ ବିନା ନ ବସୁ ରସାରେ । ୩ ।
ରମ୍ଭା ଉରୁବସି
ଥିଲେ କୋଳେ ମୁଁ ନ ଗଣେ ରମ୍ଭା ଉରୁବଶୀ । ୪ ।
ତୋର ପରିକର
ମାଗୁଅଛି ମୋତେ ରତେ ତୋର ପରିକର । ୫ ।
ଦିଅ ଧନ କର
ଅବଲମ୍ବ ମୋର ସୁଆଦିଆ ଧନ କର । ୬ ।
ହାସ ଆନନରେ
କର ନ କରାଅ ପରି ଆସ ଆନନରେ । ୭ ।
ତତ୍ କାଳଯାକ
ରୁଷିବାର ନୋହେ ଉଚିତ ଉତ୍କାଳଯାକ । ୮ ।
ଅତନୁ ପୁରକୁ
ପୁଲକାଇ ଥରେ ଯାଅ ଅତନୁ ପୁରକୁ । ୯ ।
ଅନ୍ତର ସମୟ
କରନା ପୂରାଅ ମତେ ଅନ୍ତର ସମୟ । ୧୦ ।
ବସୁଅନିଦାନ
ପରି ମତେ ଜଣାଅ ନବ ସୁଖ ନିଦାନରେ । ୧୧ ।
ଦୀପ ରାଜ ଗତେ
ତୋ ସ୍ନେହ ମୁଁ ଏକ ନାହିଁ ଦୀପରାଜଗତେ । ୧୨ ।
ହରିଚନ୍ଦନଙ୍କୁ
ଘେନ ଯଥା ବସନ୍ତେ ବିହରି ଚନ୍ଦନଙ୍କୁ । ୧୩ ।