(କବିରତ୍ନ ନାରାୟଣ ମିଶ୍ର— ରାଗ କାମୋଦୀ, ତାଳ ରୂପକ)
ଶଙ୍କରବିହାରପ୍ରବନ୍ଧ, କାମୋଦୀରାଗେଣ
ଦେଖି ଯଦୁପତି ଚାରୁ ମୂରତି
ଭୂମିରେ ଭବ ପ୍ରଣମିଲେ
ଭକ୍ତିରସ ଘେନି ମାନସ
ଜୟ ଜୟ ବଚ ଭଣିନେଲେ । ଉଦ୍ଗ୍ରାହଃ ।
ନୟନୁ ନୀର ବହେ ଅଧୀର
କମ୍ପେ ତନୁ ଥରହରେ
ନୀଳକଣ୍ଠ ହୋଇ ସୋତ୍କଣ୍ଠ
ପୁଣ ପୁଣ ପଡ଼େ କ୍ଷିତି ପରେ
ଲଭିଣ ପ୍ରୀତି ଗିରିଜା ପତି
ଭକ୍ତି ଭାବେ ଭୋଳରେ
ନାଚେ ବିକଟ ଥୈ ଥୈକଟ
ବୋଲି ତାକଟ ତାଳରେ । ଦ୍ୱିଗୁଣମାତ୍ରୋ ଧ୍ରୁବଃ ।
ବିହ୍ୱଳମତି ଆକୁଳଗତି
ଗଚ୍ଛତି ଅତି ମନ୍ଦରେ
ପୁଣ ନିପତତି ପୁଣ ଗାୟତି
ପୁଣ ଧ୍ୟାୟତି ଆନନ୍ଦରେ । ଆଭୋଗଃ ।