(ବୀରମିତ୍ରୋଦୟ— ରାଗ ଗୁଣ୍ଡକେରୀ, ତାଳ ଆଡ଼ତାଳି)
ଏ କି ଦଶା ରେ କରାଇବୁଟି ଲୋକହସା । ଘୋଷା ।
ନୂତନ ପଲ୍ଲବ ପାଟଳ କାନ୍ତିକି
ଚୁମ୍ବଇ ବାସବ ଆଶା
ପାଦପ ମଧ୍ୟରେ ମନ୍ଦ୍ରତରେ ଶୁଭି
-ଲାଣି ବିହଙ୍ଗମ ଭାଷା । ୧ ।
ନୀରଜ ସଞ୍ଚୟ ବାସ ଧରି ବହି
-ଲାଣି ସମୀରଣ ଯୋଷା
ବାଜଇ ଯମୁନା ତୀର ବନେ ଶୁଣ
ଗୋପ ବଧୂ ପଦଭୂଷା । ୨ ।
ଭାଙ୍ଗି ପକା ବନ ନାଗରମଣ୍ଡନ
କେଳି କଳାପରୁ ଆଶା
ଜାଣିବଟି ଯେବେ ସେ ଜଟିଳା ଘରେ
କାଟି ପକାଇବ ନାସା । ୩ ।
ସ୍ୱର୍ଣ୍ଣପୁରେଶ୍ୱର ପୁତ୍ରର ସତ୍ୱର
ଭାଷକୁ ଘେନ ସୁକେଶା
ସାରି ନ ଦେ ଧନ ଆମ୍ଭ ମହତ୍ୱକୁ
ମାତି ଦିନେ ସୁନିବେଶା । ୪ ।