(ଗୌରଚନ୍ଦ୍ର ଗଜପତି— ଏକତାଳି)
ବ୍ରଜରାଜ ତନୟ ଗୁଣ ଗାଆ ରେ । ଘୋଷା ।
କୋଟି କନ୍ଦର୍ପ ଦଳା ସାଧ୍ୱୀଙ୍କ ଧୃତି ଟଳା
ଅଟଇ ମୁଖ କଳା
ଆଭୀର ନାରୀଙ୍କ ପ୍ରମୋଦ ପସରା । ୧ ।
ବିଡ଼ୋଜା ବଡ଼ପଣ କରିଣ ବିସର୍ଜ୍ଜନ
ସେବିଲା ସେ ଚରଣ
ଗୋପରେ ଗୋବିନ୍ଦ ନାମକୁ ସ୍ମରି ରେ । ୨ ।
ବତ୍ସା ବାଳକଗଣ ବ୍ରହ୍ମା କଲା ହରଣ
ଅନ୍ତେ ଲଭିଣ ଜ୍ଞାନ
ଶ୍ରୀହରି ପାଦରେ ଭଜିଲା ମୋଦରେ । ୩ ।
ପାପମୟ ସଂସାର ବିଷୟ କରି ଦୂର
ଚିତ୍ତକୁ କର ସ୍ଥିର
ଶ୍ରୀ ବୃନ୍ଦାବନରେ କରିଣ ବାସ ରେ । ୪ ।
ଭବସାଗର ଭେଳା ଅଟନ୍ତି ନନ୍ଦବଳା
ତା ନାମାବଳୀ ମାଳା
ସାଦରେ ଧରିଣ ହୃଦୟ ଭିତରେ । ୫ ।
ଶ୍ରୀ ଗୌରଚନ୍ଦ୍ର ଦେବ ବୋଲନ୍ତି ଛାଡ଼ି ଦମ୍ଭ
ଭଜି ରାଧାବଲ୍ଲଭ
ରାଜୀବ ପଦରେ ଆନନ୍ଦ ମନରେ । ୬ ।