(ଗୌରଚନ୍ଦ୍ର ଗଜପତି— ରାଗ ଘଣ୍ଟାରବ, ତାଳ ଆଦିତାଳ)
ରାଧେ ମୋହନ ଠାରେ କୋପ ବହିଲୁ
ଦୁଃଖସରେ ମନହଂସ ଖେଳାଇଲୁ । ଘୋଷା ।
ଶ୍ୟାମ ତୋ ଗଳାମାଳି ବଂଶୀରେ ହେଲି ବୋଲି
ଡାକୁଥିଲେ ଶ୍ରବଣରେ ନ ଶୁଣିଲୁ । ୧ ।
କାରଣ ବିନା ଗୋରୀ ଏଡ଼ିଲୁ ସୁଖ ଶିରୀ
ପାଖେ ଉଭା ହୋଇଲେ ସେ ନ ଚାହିଁଲୁ । ୨ ।
ବ୍ରଜରେ ତୋର ପରି ନାହାନ୍ତି କେତେ ନାରୀ
କରେ କର ଧରନ୍ତେ ତୁ ଛାଟିଲୁ । ୩ ।
କାହାର ଖଚ ଗୀର କରିଣ ଜପାମାଳ
ସ୍ମରକାଣ୍ଡରେ ଏବେ ଘାରିହୋଇଲୁ । ୪ ।
ଗୌରଚନ୍ଦ୍ର ଭୂପତି ଭାଷନ୍ତି ଗୋ ଶ୍ରୀମତୀ
ବନ ମାଳତୀ ଗତି ତୁହି ପାଇଲୁ । ୫ ।