(ଗୌରହରି— ରାଗ ସେନା, ତାଳ ଆଡ଼ତାଳି)
ଚଳ ଶୀଘ୍ରେ ନିକୁଞ୍ଜ ଭବନକୁ ଗୋ ରାଧେ
ଚାହିଁ ରହିଛନ୍ତି ଶ୍ୟାମ ତୁମ୍ଭ ଆସିବା ଦିନକୁ । ଘୋଷା ।
ମଦନ ମନୋହର ବେଶକୁ ନାଗର
ଧରି ଧୀର ସମୀରେ ପ୍ରବେଶି
ବଂଶୀରେ କିଶୋରୀ ବୋଲି ନାମକୁ ଉଚ୍ଚାରି
ଡାକୁଛନ୍ତି କେତେ ପରଶଂସି । ୧ ।
ଚିତ୍ତ ଅନୁସାରେ ତିମିର କ୍ରମରେ
ଘୋଟିଦେଲାନି ଦିଗ ବିଦିଗକୁ
ଅତିଶୟେ ମୁଖର ହେବା ରତ୍ନ ନୂପୁର
ପରିହରି କରି ଗୋପନକୁ । ୨ ।
ଅଭିସାରେ ଉଚିତ ସମୟ ଏପରି ତ
କହୁଛି ନାହିଁ ନୋହିବ ଆଉ
ପିନ୍ଧି ଅସିତ ବସନ ମୃଗମଗ ଲପନ
ହୋଇ ସୁବେଶ ହେବା ଥାଉ । ୩ ।
ସ୍ଫୁରେ ବାମ ନୟନ ବିଳମ୍ବ ନ କର ଧନ
ସ୍ୱାର୍ଥ ଲଭିବୁଟି ଜାଣ
କହେ ଗୌରହରି କାନ୍ତ କୋଳେ ବିହରି
ମନୋରଥ କରିବୁ ପୂର୍ଣ୍ଣ । ୪ ।