(ଦ୍ୱିଜ ପଦ୍ମନାଭ— ରାଗ ରାମକେରୀ, ତାଳ ଆଦିତାଳ)
କୁନ୍ଦ ବୃନ୍ଦ ନିଭ ଅତି ରୁଚି ଭୈରବ
ସୁନ୍ଦର ଶୁଚି ତନୁ ବିରାଜତେ
ବୀଣା ପୁସ୍ତକ ରଞ୍ଜିତ କରଯୁଗ
ଭାରତୀ ଗୁଣମୟୀ ନମୋସ୍ତୁତେ । ୧ ।
ଶାରଦ ଶଶଧର ପୂର୍ଣ୍ଣ ଦୀପ୍ତକର
ମଦହରସହ ମୁଖ ବିଭ୍ରାଜତେ
ସକଳ ଶାସ୍ତ୍ର ବିଶାରଦ ଭଗବତୀ
ଆଶ୍ରିତ ଜନ ହୃଦ ସମୁଦିତେ । ୨ ।
ନାରଦାଦି ମୁନି ବୃନ୍ଦାରକ ଚୟ
ବନ୍ଦିତ କୃତ ତବ ପଦାମ୍ବୁଜେ
ଶୁକ୍ଳାମ୍ବରଧାରିଣୀ ଯୋଗତାରିଣୀ
ନାରାୟଣୀ ତ୍ୱାଂ ସଦା ଭଜେ । ୩ ।
ବାସୁଦେବ କର୍ଣ୍ଣଚ୍ଛଦ ଶିଞ୍ଜିତ
ତାନ ଗାନ ରସ ପ୍ରମୋଦିନୀ
ବର୍ଣ୍ଣିତ କରେ ଦ୍ୱିଜ ପଦ୍ମନାଭ
ସପନ ମନ ବିହାରିଣୀ । ୪ ।