(ରାମଚନ୍ଦ୍ର ଦେବ— ରାଗ ଖମ୍ବାଜ, ତାଳ ଏକତାଳି)
ସୁନ୍ଦର ଶ୍ୟାମ ରୂପକୁ । ଅନା ଲୋ ମିତ ।
ନିନ୍ଦଇ କି ଇନ୍ଦୀବର ନୀଳମଣି ତମାଳକୁ । ଘୋଷା ।
ତ୍ରିଭଙ୍ଗୀ ଠାଣିରେ ଛିଡ଼ା । ନ ପଡ଼େ ନେତ୍ର ପିଛଡ଼ା ।
ଯୁବତୀଙ୍କ ଘରବୁଡ଼ା । ଚୂଡ଼ା ଶିଖୀର ପୁଚ୍ଛକୁ । ୧ ।
କି ଅବା କଳା ମିହିର । କିବା କାମ ଅବତାର ।
ଘେନି ଫୁଲ ପଞ୍ଚଶର । ବିନ୍ଧେ ମୋର ମରମକୁ । ୨ ।
ମୋହନ ଫାନ୍ଦରେ ପଡ଼ି । ଶେଷେ ନ ପାଇବେ ଲୋଡ଼ି ।
ପତିବ୍ରତା ଧର୍ମ ଏଡ଼ି । ବଳିଭୁଜ କୋକିଳକୁ । ୩ ।
ରାମଚନ୍ଦ୍ର ବୋଲେ ଗୀତ । ଯାହା ପଛେ ହେଉ ଚିତ୍ତ ।
ଆସିବା ନୋହିଲା ମିତ । ତପନସୁତା କୂଳକୁ । ୪ ।