(ବୈକୁଣ୍ଠନାଥ ବ୍ରହ୍ମଚାରୀ)
ଅନାମ ପାଟଣା ହାଟେ
କର ମନ କାରବାର
ଅନେକ କାଳର କଷ୍ଟ
ଅଳପକେ ହେବ ଦୂର | ଘୋଷା |
ବସିଛି ବଣିଆ ବୁଢ଼ା
ମେଲିଣ ଦୋକାନ ପୁଡ଼ା
ଯାହା ତୋର ହେବ ଲୋଡ଼ା
ମାଗିଲେ ଦେବ ସତ୍ୱର | ୧ |
ଅଲେଖା ହିସାବ ତାର
ଅକ୍ଷର ମଧ୍ୟୁଁ ବାହାର
ନାହିଁ କାଗଜ ପତର
ରେଫେ ନ ଯାଏ ପାଶୋର | ୨ |
ଅମୁଲ୍ୟ ଭକତି ବିନା
ନନେବ ସେ ଟଙ୍କା ସୁନା
କୋଟିକେ ଗୋଟିଏ ଗଣା
ହେବୁ କଲେ ସେ ବେପାର | ୩ |
ବିବେକ ବିଚାରେ ତୁଳି
ଖୋଲି ବିଶ୍ୱାସର ଝୁଲି
ଧର୍ମ ଅର୍ଥ କାମ ଭୁଲି
ମୋକ୍ଷକୁ ସଉଦା କର | ୪ |
ସେ ହାଟେ କରି ସଉଦା
ତୁଟାଅ ଦାରିଦ୍ର୍ୟ ବାଧା
ଦ୍ୱିଜ ବୈକୁଣ୍ଠର ଶ୍ରଦ୍ଧା
ରହୁ ଜନ୍ମ ଜନ୍ମାନ୍ତର | ୫ |