(କବିଚନ୍ଦ୍ର କାଳୀଚରଣ— ରାଗ ଆନନ୍ଦଭୈରବୀ, ତାଳ ଏକତାଳି)
ସାଜି ତନୁ ମାଜି ରାଜିଲା ତ ଆଜି
ମହୀରେ ସଜ ବସନ୍ତ । ଘୋଷା ।
ଉଡ଼ାଇ ରଙ୍ଗ ବାନାରେ ସଜନୀ
ରସାଳ କୁଞ୍ଜେ ଅନାରେ । ନବସୁମନା ।
(ପଡ଼ି)
ଭାଲ ମୁନ ସଳଖି ତୀର କି ଦେଲା ଯୋଖି
ପିକ ଡଗରା ସାକ୍ଷୀ ଗାଏ କୁହୁକୁ ଡାକି
ଅଧୀର ମଳୟ ସତେ ସାରିଦେଲା ଲାଜ ମହତ । ୧ ।
ନବୀନ ଜନ ନିଆଳିରେ ସଜନୀ
ତୋ ହେଲେ ଗେଲେ ଛଇଳୀରେ । ସରାଗେ ଫୁଲିରେ ।
(ପଡ଼ି)
ଅଳି ବସୁଛି ମିତ ଶତ ବାଇଆ ସେ ତ
ଚାଟୁବାଣୀ ଭଣିତ ଗାଇବ ଗୁଞୀତ
ହରିବ ସାରିବ ମାନ ଝୁରି ମରିବାର ତ ସତ । ୨ ।
ଚାରୁ ଚାନ୍ଦିନୀ ରାତିରେ ସଜନୀ
ଉଲ୍ଲସି ଉଠେ ଛାତିରେ । ହେଲେ ମତିରେ ।
(ପଡ଼ି)
ଚିହ୍ନାପରି କେ ମୋତେ ଛୁଇଁଗଲା ଚକିତେ
ଗୋପନ କଥା ଯେତେ ଚେତି ଅନୁବରତେ
ନୟନେ ଲେଖିଲା ଭାଷା କବିଶଶୀ ବାରିଗଲା ତ । ୩ ।